11) இராஜஸ்தான்

ராஜா என்றால் அரசன் ஸ்தான் என்றால் நிலம் என்றும் சமஸ்கிருதத்தின் பொருள்படி அரசர்களின் நிலம் என்றும் இந்த மாநிலத்திற்குப் பொருள். பாரசீகத்திலும் ஸ்தான் என்ற சொல்லுக்கு வசிப்பிடம் என்றே பொருள். இதை இராஜபுதனா என்றும் அழைப்பார்கள். இங்கு இராஜபுத்திரர்கள் என்ற இனத்தவர்கள் காரணமாக இராஜஸ்தான் , இராஜபுதனா என்றும் பொருள் வந்திருக்கலாம் என்று கூறுகின்றனர். ஆரம்ப காலத்தில் இது கூர்ஜரம் அல்லது குஜ்ஜர்களின் நாடு என்றும் அழைக்கப்பட்டது. பெரும்பான்மையான பகுதிகளை பாலைவனமாக கொண்டது. 

ஜெய்ப்பூர் (ஜெய்ப்பூர்) :‌  இந்த நகரை நிறுவிய அம்பர் மன்னரான இரண்டாம் சவாய் ஜெய்சிங்கின் பெயரைக் கொண்டு ஜெய்ப்பூர் என்ற நகருக்கு பெயர் வந்தது.

நாத்வாரா (நாத்வாரா) :  நாத துவாரா என்றால் நாதன் இருக்குமிடத்தின் வாயில் என்றும் நாதனிடம் நம்மை அழைத்து செல்லும் வாயில் என்றும் பொருள்படும். பிருந்தாவனத்தில் எழுந்தருளிய இறைவனை ஸ்ரீமந் நாதமுனிகள் எடுத்து வரும்போது வண்டியின் சக்கரம் மண்ணுக்குள் புதைந்ததால் இறைவன் விருப்பம் இதுவே என்ற விக்கிகரத்தை இங்கேயே பிரதிஷ்டை செய்தார். இங்குள்ள இறைவனின் பெயர் ஸ்ரீநாத்ஜி. 

உதய்ப்பூர் (உதய்பூர்) :‌  சிசோடியா வம்சத்து இராஜபுத்திர மேவார் மன்னரான இரண்டாம் உதய்சிங் என்பவரால் நிறுவப்பட்டது. அதன் காரணமாக அவரின் பெயரைக் கொண்டு விளங்குகிறது.

ஜோத்பூர் (ஜோத்பூர்) :  ரத்தோர் இராஜபுத்திர குலத்து மார்வார் மன்னரான ராவ் ஜோதா என்பவரால் உருவாக்கப்பட்டது. அதன் காரணமாகவே அவரின் பெயரைக் கொண்டு விளங்குகிறது.

மண்டூர் (மண்டூர்) :  இந்த ஊர் இராவணனின் மனைவி மண்டோதரியின் சொந்த ஊர் என்று நம்பப்படுகிறது. இங்கு இராவணனுக்கு கோயிலும் உள்ளது. இதன் காரணமாக ஊருக்கு மண்டோர் என்ற பெயர் வந்திருக்கலாம் என்று கூறுகின்றனர்.

ஜெய்சல்மேர் (ஜெய்சல்மேர்) :

இந்தியாவின் தங்க நகரம் என்று அந்த மஞ்சள் நிறத்தால் அழைக்கப்படும் இந்த நகரம் ராவல் ஜெய்சால் என்பவரால் நிறுவப்பட்டு அவரின் பெயரைக் கொண்டு விளங்குகிறது. ஜெய்சல்மேர் என்பதற்கு ஜெய்சலின் மலைக்கோட்டை என்று பொருள்படும்.

பிகானேர் (பிகானர்) :‌  ஜோத்பூரை நிறுவிய ராவ் ஜோதாவின் மூத்த மகனான ராவ் பிகா தனது சொந்த இராஜ்ஜியத்தை அமைக்க விரும்பி இராஜஸ்தானின் வடக்கு பகுதியில் உள்ள வறண்ட பகுதியான ஜங்லதேசம் பகுதியை கைப்பற்றி நகரை நிறுவினார். பிகாவின் குடியேற்றம் என்ற பொருள்படும் வகையில் பிகானேர் என்ற பெயர் வந்தது.

பார்மர் (பார்மர்) :  முன்பு ராவல் மல்லிநாத் ரத்தோர் என்ற பெயரின் காரணமாக மலானி என்று அழைக்கப்பட்டது. பின்னர் அதை விரிவுபடுத்திய மன்னரான பஹதா ராவ் என்ற பார் ராவ் பார்மர் (ஜூனா பார்மர்) என்பவரின் பெயரால் இந்த நகருக்கு பார்மர் என்ற பெயர் வந்தது. 

அஜ்மீர் (அஜ்மீர்) :  இந்த நகரம் முதலில் அஜயமேரு என்று அழைக்கப்பட்டது. 11ம் ஆண்டு சஹாமான மன்னர் அஜய்தேவாவால் (இரண்டாம் அஜயராஜா) நிறுவப்பட்டது. இதன் காரணமாக நகருக்கு அஜயமேரு என்ற பெயர் வந்து மருவி அஜ்மீர் என்றானது.

ராஜ்சமந்த் (ராஜ்சமந்த்) :‌  17 ஆம் ஆண்டு மேவாரின் ராணா ராஜ் சிங்கால் உருவாக்கப்பட்ட செயற்கை ஏரியான ராஜ்சமந்த் ஏரியின் பெயரால் ஊருக்கும் அதே பெயர் வந்தது.

அல்வார் (Alwar) :  சல்வா பழங்குடியினரின் ஆதிக்கத்தில் இருந்ததால் முதலில் சல்வாபூர், சல்வார், ஹலவர் என்ற பெயர்களால் அழைக்கப்பட்டது. பின்னர் இந்நகரை கைப்பற்றிய கன்சாட இளவரசரான அலவல் கான் மேவதி நினைவாக அரவல்பூர், அரவதி என்ற பெயர்களில் அழைக்கப்படுகின்றனர். சிலர் அம்பரின் மகாராஜாவான காகிலின் இரண்டாவது மகனான மகாராஜா அலக்ராஜ் என்பவரின் பெயரால் இந்நகரம் அல்வார் என்று அழைக்கப்பட்டதாகக் கூறுகின்றனர். 

பில்வாரா (பில்வாரா) :  பீல் என்ற ஆதிவாசி பழங்குடியினர் அக்பருக்கு எதிரான போரில் மஹாரானா பிரதாப் சிங்குக்கு உதவியவர்கள் வசித்து வந்த பகுதி ஆதலால் பீல்+படா என்பது பில்வாரா என்றானது என்று கூறுகின்றனர். இங்கு அச்சிடப்பட்ட பிலாடி என்ற நாணயங்களின் காரணமாக நகருக்கு இந்த பெயர் வந்தது என்றும் கூறுகின்றனர்.

பூண்டி (பூண்டி) :  இந்த நகரம் மீனா வம்சத்து அரசரான பூண்ட மீனாவின் பெயரால் பூண்ட-கா-னல் என்று அழைக்கப்பட்டது பூண்டி என்றாகியது. பின்னர் இந்த பகுதியை கைப்பற்றிய ராவ் தேவ ஹரா கைப்பற்றி பூண்டியை சுற்றியுள்ள பகுதிக்கு ஹராவதி அல்லது ஹரோட்டி என்று பெயர் மாற்றினார்.

சித்தோர்கர்க் (சித்தூர்கர்) :  முதலில் சித்ரகுடா என்று அழைக்கப்பட்ட சித்தோர் கோட்டை சித்ரங்கா என்ற மோரி மன்னனால் அவரது பெயரைக் கொண்டு வருகிறார்.

பரத்பூர் (பாரத்பூர்) :  இராமரின் சகோதரரான பரதன் என்பதிலிருந்து இந்த ஊருக்குப் பரத்பூர் என்ற பெயர் ஏற்பட்டது.

பாலி (பாலி) :  பாலிவால் பிராமணர்கள் என்று அழைக்கப்பட்ட பிராமண ஆட்சியாளர்களால் ஆளப்பட்ட காரணத்தால் நகருக்கு பாலி என்ற பெயர் வந்தது.

டோங்க் (டோங்க்) :  மொகலாயர் காலத்தில் அக்பரின் ஆட்சியில் ஜெய்ப்பூர் மன்னர் மான்சிங் தாரி & டோக்ரா ஜன்பத்தை கைப்பற்றினார். பின்னர் டோக்ரா ஜன்பத்தின் 12 கிராமங்கள் ஒரு போல பிராமணருக்கு வழங்கப்பட அவர் அந்த கிராமங்களை இணைத்து டோங்க் என்று பெயர் வைத்தார். பின்னர் இந்த நகரை மீண்டும் நிர்மாணித்தது ஆப்கானிஸ்தானில் இருந்து வந்த பஷ்டூன் இன் தலைவரான பிண்டாரி நவாப் முகமது அமீர் கான். இதனால் இந்த நகரம் நவாபி நகரி என்றும் அழைக்கப்பட்டது. 

தோல்பூர் (தோல்பூர்) :  தோல்பூர் அல்லது தவல்பூரி நகரம் இராஜபுத்ர ராஜா தோலன் தேவ் தோமரால் நிறுவப்பட்டது. இதனால் அவரின் பெயரை தாங்கி தோலன்பூர் என்றானது. மேலும் இந்த ஊரில் உள்ள தோலேஷ்வர் மகாதேவ் கோயிலின் காரணமாக நகருக்கு பெயர் ஏற்றப்பட்டு இருக்கலாம்.

ஷிகார் (சிகார்) :  இந்த நகரின் பழைய பெயர் வீர் பன் கா பாஸ். கண்டோலாவின் ராஜாவான ராஜா பகதூர் சிங் ஷெகாவத் காஸ்ஸி திகானாவை சேர்ந்த ராவ் ஜஸ்வந்த் சிங்கின் மகன் ராவ் தெளலத் சிங்கிற்கு பரிசாக வழங்கப்பட்டது. ராவ் தெளலத் ராவ் ஷேகாவின் நினைவாக நகருக்கு ஷிகார் என்று பெயர் சூட்டினார்.

கோட்டா (கோட்டா) :  இந்த ஊர் முன்பு கோட்டே (Kotah) என்று அழைக்கப்பட்டது. 13 ஆம் ஆண்டு ஹடா குலத்தை சேர்ந்த பூண்டியின் ஜெய்த் சிங் இந்த நகரை ஆண்ட பில் பழங்குடி தலைவனான கோட்டியா பில்லை மிகுந்த கடினமான போராட்டத்தின் பின் வென்று நகரை கைப்பற்றினார். தோற்ற கோட்டியா பில்லின் வீரத்தை போற்றி தனது சமஸ்தானத்திற்கு கோட்டா சமஸ்தானம் என்றும் நகருக்கு கோட்டா என்றும் பெயரிட்டார்.

ஹனுமன்கர் (Hanumangarh) :  இந்த நகரம் கி.பி.3ம் நாட்டில் மன்னர் பூபத்தால் நிறுவப்பட்டது. அந்த காலத்தில் பட்னர் என்றும் பட்நாயர் என்றும் அழைக்கப்பட்டது. பிகானேர் மாநிலத்தின் மகாராஜா சூரத் சிங் ரத்தோர் செவ்வாய் கிழமை இந்த கோட்டையை கைப்பற்றினார். செவ்வாய் கிழமை அனுமனுக்கு உகந்த நாள் என்பதால் ஹனுமனின் கோட்டை என்று பொருள்படி பட்னர் நகருக்கு ஹனுமன்கர் என்று பெயரிட்டார்.

ஸ்ரீ கங்காநகர் (ஸ்ரீ கங்காநகர்) : ‌இந்த நகரம் பிகானேரின் மகாராஜா தற்போது கங்கா சிங் பகதூர் பெயரால் இயக்கி கங்காநகர் என்று அழைக்கப்படுகிறார்.

பன்ஸ்வாரா (Banswara) :  பன்சியா பில் என்ற அரசனின் பெயரில் இருந்து நகருக்கு பன்ஸ்வாரா என்ற பெயர் வந்தது.

சாவாய் மாதோபூர் (சவாய் மாதோபூர்) :

ஜெய்ப்பூர் மகாராஜா மாதோ சிங் என்பவரால் கட்டப்பட்ட காரணத்தால் நகருக்கு சாவாய் மாதோபூர் என்ற பெயர் வந்தது.

சுரு (சுரு) :  ஜாட் இன தலைவனானா சுருவால் நிறுவப்பட்ட காரணத்தால் சுரு என்ற நகருக்கு பெயர் வந்தது.

நாகெளர் (நாகூர்) :  இந்த நகரத்தின் பழைய பெயர் அஹிச்சத்ரபூர் என்பதாகும். இந்த நகரை ஆண்ட நாகவன்ஷி க்ஷ்த்திரியர்களின் காரணமாக நகருக்கு நாகெளர் என்ற பெயர் ஏற்பட்டது.

துங்கர்பூர் (துங்கர்பூர்) : ‌இந்த நகரம் மேவாரின் ராவல் பிர் சிங்கால் நிறுவப்பட்டது. அவர் படுகொலை செய்யப்பட்ட ஒரு சுதந்திர பில் இன் தலைவரான துங்காரியாவின் நினைவாக நகருக்கு துங்கர்பூர் என்று பெயரிட்டார்.

ஜூன்ஜூனு (Jhunjhunu) : ‌ இந்த நகரம் ஜாட் இன் தலைவரான ஜூன்ஜா (ஜூஹர் சிங் நெஹ்ரா) நினைவாக ஜூன்ஜூனு என்ற பெயரைப் பெற்றது.

பிரதாப்கர் (பிரதாப்கர்) :  மேவாரின் ராணா கும்பா தனது இளைய சகோதரனான ஷேம்கரனுடன் ஏற்பட்ட தகராறு காரணமாக அவரது குடும்பத்துடன் சித்தோர்கர்க்கிலிருந்து வெளியேற்ற அவரின் குடும்பம் தேவ்கர் வந்து குடியேறி அவரது மகனான ராஜ்குமார் சூரஜ்மல் தேவ்கரின் ஆட்சிப் பொறுப்பை ஏற்றார். இவரே பின்னாளில் பிரதாப்கர் ராஜ் என்று அழைக்கப்பட்டவர். தேவ்கர் அரச குடும்பத்திற்கு சற்று பாதுகாப்பு குறைவு காரணமாக அருகில் ஒரு புதிய நகரை உருவாக்கி பிரதாப்கர் என்று பெயரிட்டார்.

ஜலோர் (ஜலோர்) :  பழங்காலத்தில் துறவி ஜபாலியின் பெயரால் ஜபாலிபுரா என்று இந்த நகரம் அழைக்கப்பட்டது. பின்னர் மருவி ஜலோர் என்றானது.

ஜஸ்வந்த்புரா (ஜஸ்வந்த்புரா) :  ஜோத்பூர் மகாராஜா ஜஸ்வந்த் சிங்கின் பெயரால் இந்த நகரத்திற்கு ஜஸ்வந்த்புரா என்று பெயரிடப்பட்டுள்ளது.  

சிரோஹி (சிரோஹி) :  கி.பி.15ம் ஆண்டு தொடக்கத்தில் ராவ் சோபாஜி சிரன்வா மலையின் கிழக்கு சரிவில் ஒரு நகரை நிர்மாணித்து சிவ்புரி என்று பெயரிட்டார். அவருக்கு பின்னால் அவரது மகன் சேஹஸ்த்ரமல் இன்னொரு புறம் ஒரு நகரை நிர்மாணித்து அதற்கு சிரோஹி என்று பெயரிட்டார். 

ஜலவார் (Jalawar) :  கோட்டா மாநிலத்தின் திவானாக இருந்த ஜாலா வம்சத்து ஜலீம் சிங்கினால் இராணுவப் பாதுகாப்புக்காக உருவாக்கப்பட்ட இந்த நகரம் அவரின் வம்சத்தின் பெயரை தாங்கி ஜலவார் என்று அழைக்கப்படுகிறார்.

கங்காபூர் (கங்காபூர்) :  அரசர் குஷாலிராம் ஹல்டியா இந்த நகரை நிர்மாணித்து அதற்கு குஷல்கர் என்று பெயரிட்டார். அவருக்குப் பிறகு இந்த நகரம் அவரது இளைய சகோதரரான கங்காராம் என்பவரின் பெயரைத் தாங்கி கங்காபூர் என்று குறிப்பிடுகிறார்.

கிஷன்கர் (கிஷன்கர்) :  ஜோத்பூர் இளவரசர் கிஷன் சிங்கால் நிறுவப்பட்ட நகரம் என்பதால் அவரின் பெயரை தாங்கி கிஷங்கர் என்றானது.

சாஞ்சோர் (சஞ்சூர்) :  ஒரு காலத்தில் சத்யபூர் என்று அழைக்கப்பட்ட இந்த நகரம் தற்போது சாஞ்சோர் என்று அறியப்படுகிறது.

பலோடி (Palodi) :  விக்ரம் சம்வத் கி.பி.16ம் ஆண்டு தொடக்கத்தில் ஸ்ரீசித்துஜி கல்லாவின் அருளால் உருவாக்கப்பட்ட இந்நகருக்கு ஆரம்பமான பல்வர்திகா என்று பெயரிடப்பட்டது. பின்னர் இயக்கிசித்துஜி கல்லாவின் விதவை மகள் பலாவின் வேண்டுகோளின்படி நகருக்கு பலோடி என்று பெயர் வைக்கப்பட்டது.

ஹிந்தவுன் (ஹிந்தவுன்) :  இந்த நகரம் நகரை ஆண்ட பக்த பிரஹலாதனின் தந்தையான ஹிரண்யகசிபுவின் பெயரை தாங்கி ஹிந்தவுன் என்ற பெயரைப் பெற்றது.

புஷ்கர் (புஷ்கர்) :  சமஸ்கிருதத்தில் புஷ்கரா என்றால் நீலதாமரை மலர் என்று பொருள். இந்த நகரில் குழந்தைகள் மற்றும் தேவர்களின் உயிரை குடிக்கும் வஜ்ரனாபா என்ற அரக்கன் இருந்ததால் பிரம்மா தனது நீல தாமரை மலரை வீசினார். அவர் தாமரையை இறக்கி விட்டதால் அந்த நகரம் புஷ்கரம் என்று அழைக்கப்பட்டது.

ரத்தன்கர் (ரதன்கர்) :  இந்த நகரை தோற்றுவித்த பிகானேரின் மன்னரான சூரத் சிங் தனது மகனான ரத்தன் சிங்கின் பெயரை நகருக்கு வைத்தார்.